Mei Dirndel is harb uf mi
i weiß nit warum
und wenn's nit bald gut wird
so bring i mi um
Jetzt führt ma's ein Andrer
am Sunndag zum Tanz
das bricht mir mei Herzerl
's wird nimma mehr ganz
I hab ihr's versprochen
hab's heiraten wöll'n
i muß mi no amol
ans Fensterl hinstelln
will's no mal versuchen
will's no amal frag'n,
will no mal mei Herzeln
zum Fensterl hintrag'n
I hab schon woll'n klopfen
und hab mi nit traut
jetzt hab i so trauri
zum Fensterl nein g'schaut
denn wenn ma beim Dirndel
ein' Andern drin sieht
ma sollt's gar nit glauben
wie hart das ein' g'schieht
Jetzt hab i beim Dirndel
ihr'm Fensterl woll'n lieg'n,
derweil is a Andrer
ins Fensterl gestieg'n
Das kann i dem Schlangel
ums Leb'n nit verzeih'n
i wer ihm schon helfen
beim Fensterl einsteig'n